makkaul, talibanning amérikaliqlarni esir éliwalghanliqini ilgiri sürdi

türkiye awazi radiyosi xewiri: amérika awam palatasi tashqi munasiwetler komitétidiki jumhuriyetchiler partiyesining rehbiri makkaul talibanlarning mazar sherif ayrodromida 6 amérika ayropilanini tutup turuwatqanliqini we washington talibanni étirap qilmighuche bu kishilerning ayrilishigha yol qoymaydighanliqini ilgiri sürdi.

makkaol «fokis nyuz» qanilining söhbet pirogrammisida, afghanistandin tarqaqlashturush mumkin bolmighan amérika puqralirining ehwali toghrisida toxtaldi.

afghanistanning shimalidiki mazari sherif ayrodromida amérika puqraliri we amérika bilen hemkarlashqan afghanistanliqlar olturghan 6 amérika ayropilanining barliqini bildürgen makkaul, bu ayropilanlarning amérika tashqi ishlar ministirliqining testiqini tapshuruwalghan bolushigha qarimay, ikki - üch kündin béri uchalmaywatqanliqini ilgiri sürüp: «bu ehwal esir tutup turushqa aylinip qalmaqta. amérika talibanni toluq étirap qilghuche, ular amérika puqralirining chégradin chiqishigha yol qoymaydu» dédi.

u yene, amérika tashqi ishlar ministirliqi élan qilghanning eksiche, afghanistanda 100-200 amérika puqrasi emes, uningdin xélila köp amérikaliqlarning barliqini sözlirige ilawe qildi.