engiliye awiyamatkisi «ayal padishah élizabét» tunji qétim yaponiyede lengger tashlidi
mayda engiliyedin yolgha chiqqan awiyamatka paytext tokyoning jenubidiki amérika déngiz armiye bazisi yokosukagha yétip bardi.
türkiye awazi radiyosi xewiri: toshughuchi filot guruppisining qomandani stiw morxos tiwittérdiki yazmisida, ziyaretning meqsidini engiliyening hindi-tinch okyandiki diplomatik, iqtisadiy we bixeterlik munasiwitini kücheytish we yaponiye bilen bolghan hazirqi munasiwetlerni yéngi bir sewiyege kötürüsh wedisi, dep teswirlidi.
morxos: «paraxot etritining bu yerde bolushi, engiliyening rayondiki muhim soda yollirining erkinliki we bixeterlikini qollishi we barliq döletler nepke érishidighan xelqara sistémining namayendisi» dégen sözlerni ishletti.
paraxot etriti 9-séntebir yaponiyedin ayrilidu.
yaponiyening döletlik radiyo istansisi «NHK» ning xewiride, bu ziyaretning meqsiti «engiliyening asiyadiki eng yéqin bixeterlik shériki yaponiye bilen bolghan ikki tereplik herbiy munasiwetni kücheytidu» dep izahlandi.
2017-yili resmiy xizmetke kirishtürülgen we engiliyening eng chong awiyamatkasi dep bilinidighan «ayal padishah élizabét» 40 ayropilanni élip yüreleydu.
