gérmaniye afghanistandiki tarqaqlashturush herikitini axirlashturdi

türkiye awazi radiyosi xewiri: gérmaniye dölet mudapie ministiri annégrét kamp kaghinbawa bayanat élan qilip, axirqi herbiy ayropilan we herbiy qisimlarning tünügün (2021-yili 26-awghust) kech saetlerde özbékstan paytexti tashkentke yétip barghanliqini bildürdi.

u gérmaniyening 5 ming 347 kishini afghanistandin tarqaqlashturghanliqini, tünügün kabuldiki hamid karzayi ayrodurumida partlash yüz bergende, eng axirqi tarqaqlashturush xizmetlirining qiliniwatqanliqini we ayropilanning gérmaniye qomandanining «derhal uchush» buyruqi bilen kökke kötürülgenlikini qeyt qildi.

u: «tünügünki hujum kabuldiki tarqaqlashturush waqtini uzartishning mumkin emeslikini ochuq körsitip berdi. afghanistandiki bixeterlik weziyet we talibanning 31-awghusttin kéyinki tarqaqlashturush xizmetlirige ruxset qilmasliqi, buning imkaniyitini téximu yoq qildi» dédi.

u kabuldiki barliq gérmaniye elchixana xadimliri we bixeterlikke mesul fédératsiye saqchiliri, tarqaqlashturush xizmetlirige mesul gérmaniye eskerlirining hemmisining kabuldin ayrilghanliqini bildürüp, gérmaniyening afghanistandiki tarqaqlashturush herikitining axirlashqanliqini eskertti.