kabul ayrodurumi etrapida adem bomba partlidi
bügün (2021-yili 26-awghust) afghanistan paytexti kabulda hamid karzayi xelqara ayrodurumi jaylashqan rayonda yüz bergen partlashta jénidin ayrilghan amérika eskerlirining sani 13 ke chiqti.
türkiye awazi radiyosi xewiri: amérika taratquliri kabuldiki partlashta jénidin ayrilghanlar sanining 13 ikenlikini élan qildi. biraq, eljezire téléwiziyesi jénidin ayrilghanlar sanining 25 ke, yarilanghanlar sanining 90 gha chiqqanliqini xewer qildi.
birleshme agéntliqi (Associated Press) nam-sheripini ashkarilashni xalimighan amérika mesullirining, «térrorluq hujumining térrorluq teshkilati daésh teripidin qilinghanliqigha qetiy ishinidighanliqliri» ni éytqanliqini bildürdi.
amérikaliq yene bir mesul xadim, «birinchi qol doklatlarda, adem bomba hujumining yüz bérishi mumkinlikining eskertilgenliki» ni qeyt qildi.
kabulda bu jeryanda yene, yéngi partlash awazi anglandi.
aqsaray pirézidént jo baydinning partlashtin kéyin, alahide ehwalda yighilidighan ishxanigha (Situation Room) kelgenlikini we shu yer waqti 11:30 da isirailiye bash ministiri naftali bénnét bilen ötküzülidighan uchrishishning kéchiktürülgenlikini élan qildi.
amérika taratquliri pirézidént baydinning repiqisi jil baydin (Jill Biden) ning 1-séntebir (2021) qilidighan bir qétimliq sayahitiningmu kéchiktürülgenlikini xewer qildi.
