gérmaniye her yili 400 ming köchmenge éhtiyajliq
gérmaniye fédératsiye ishqa orunlashturush idarisining bashliqi détléf shélé (Detlef Scheele) gérmaniyening her yili 400 ming köchmenge mohtaj ikenlikini éytti.
türkiye awazi radiyosi xewiri: gérmaniye fédératsiye ishqa orunlashturush idarisining bashliqi détléf shélé «züddayche zeytung géziti» ning ziyaritini qobul qilghanda, gérmaniye xizmet bazarlirida layaqetlik xadimlargha bolghan éhtiyajning kündin-künge hés qiliniwatqanliqini bildürdi.
u: «biz yiligha 400 ming köchmenge mohtaj. aldinqi yillargha sélishturghanda, bu san téximu köp. yashanghanlar yaki bimarlargha qarash saheliride layaqetlik kishilerge, hawa tengshigüch téxnik xadimlirigha we akadémiklargha mohtaj» dédi.
u köchmen emgek küchliri bilen musapirlar mesilisini arilashturwetmeslik kéreklikini eskertip: «bu insanperwerlik mesilisi hésablinidu. eger afghanistandin kelgen musapirlar bolsa, gérmaniye ularni qobul qilish üchün öz mesuliyitini ada qilishi kérek. emma, men üchün emgek küchi baziridiki kemtüklüklerni toluqlash nahayiti muhim» dédi.