gérmaniye puqralirini özbékstan arqiliq tarqaqlashturdi
gérmaniye yéqinqi bir heptide afghanistandiki 2 mingdin artuq kishini özbékstan arqiliq tarqaqlashturghanliqini bildürdi.
türkiye awazi radiyosi xewiri: gérmaniyening özbékstan paytexti tashkenttiki elchixanisi afghanistandiki kishilerning tarqaqlashturulushigha munasiwetlik melumatlarni élan qildi.
gérmaniye elchixanisining bu heqtiki bayanatida, ötken heptide gérmaniye we yawropa ittipaqidiki bezi döletlerning puqraliri hemde afghanistanliqlarni öz ichige alghan 2 mingdin artuq kishining özbékstan arqiliq tarqaqlashturulghanliqi bildürüldi.
bayanatta, tashkent ayrodurumida yémek-ichmek we tibbiy buyumlar bilen teminlengen kishilerning wuxen wirusi (Kovid-19) gha munasiwetlik tekshürüshler axirlashqandin kéyin, mexsus ayropilanlar bilen gérmaniyege yolgha sélinghanliqi eskertildi.
bayanatta, kabul bilen tashkent otturisidiki tarqaqlashturush xizmetlirining gérmaniye armyesining ayropilanliri bilen élip bérilghanliqi we hazirghiche 18 qétim ayropilan sepirining qilinghanliqi qeyt qilindi.
özbékstan pirézidénti shewket mirzayéw ötken hepte gérmaniye pirézidénti frank woltér stéynméyir (Frank-Walter Steinmeier) we bash ministir mérkél bilen téléfonda körüshüp, afghanistandiki gérmaniye puqralirini özbékstan arqiliq tarqaqlashturushni muzakire qilghan idi.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.
