afghanistan pirézidénti eshref gheni tajikistanda emes
tajikistan tashqi ishlar ministirliqi afghanistan pirézidénti eshref ghenining tajikistanda ikenlikige dair xewerlerning toghra emeslikini élan qildi.
1691729
türkiye awazi radiyosi xewiri: tajikistan tashqi ishlar ministirliqining yazma bayanatida, eshref ghenining ayropilanining tajikistan hawa tewelikige kirmigenliki we tajikistan zéminighimu qonmighanliqi uqturuldi.
bayanatta, tajikistan terepke bu heqte héchqandaq telepningmu kelmigenliki tekitlendi.
yene bir tereptin, afghanistanning tashkentte turushluq elchixanisi emeldarimu eshref ghenining özbékistanda barliqigha dair héchqandaq uchurgha ige emeslikini bildürdi.
bezi taratqularda, taliban afghanistanning paytexti kabulgha kirgendin kéyin wetinidin ayrilghan eshref ghenining tajikistangha ketkenliki xewer qilinghan idi.
