engliyede qoralliq hujum yüz bérip nurghun adem öldi
engliyening pilimos shehiride yüz bergen qoralliq hujumda zorawanni öz ichige alghan 6 kishi jénidin ayrildi.
türkiye awazi radiyosi xewiri: déwon we kornwal saqchiliri, pilimos shehirining keyxam rayonida yüz bergen qoralliq hujum heqqide élan qilghan bayanatida, hujumda qoralliq gumandarnimu öz ichige alghan 6 kishining qaza qilghanliqini delillidi.
bayanatta, weqede 2 ayal 2 er we hujumning jawabkari bolghan erning oq tégip yarilinish sewebidin neq meydanda hayatidin ayrilghanliqi, oqning nishani bolghan we neq meydanda dawalanghan bir ayalning doxturxanida qaza qilghanliqi bildürüldi.
zorawanning saqchilar teripidin étip öltürülgenliki we hujumning térrorizm bilen chétishliqining yoqluqi uqturulghanidi.
engliye ichki ishlar weziri priti patél, ammiwi ortaqlishish tor béti Twitter sehipiside élan qilghan bayanatida, pilimos shehiride yüz bergen qoralliq hujumdin tolimu epsuslinidighanliqini eskertip mundaq dégenidi: «hemme kishini soghuqqan bolushqa, saqchilarning tewsiyelirige emel qilishqa we jiddiy qutquzush organlirimizning xizmitini dawamlashturushigha yol qoyushqa chaqirimen.»
