girétsiye türklerni öz ichige alghan bezi dölet puqralirigha chégrasini échiwétishni qarar qildi
girétsiye kowid-19 yuqumi seweblik buningdin 17 ay burun taqiwetken girétsiye - türkiye chégrasini échishni qarar qildi.
1686280
türkiye awazi radiyosi xewiri: girétsiye ul eslihe we qatnash ministirliqigha qarashliq xelq awiyatsiye idarisining 5-awghust (bügün) élan qilghan sayahet körsetmiside, waksina emlesh ispati bar yaki «kowid -19» tekshürüsh netijisi passip chiqqan türk puqralirining bügündin bashlap grétsiyege kireleydighanliqi qeyt qilindi.
girétsiyege kirish éghizidiki barliq dölet puqralirining shexsiy uchurlirini öz ichige alghan «sayahet jedwili» ni toldurush aditining dawamlishiwatqanliqigha isharet qilinghan körsetmide, türkiye bilen birlikte 35 dölet üchün telep qilinghan shertlerning 12 yashtin chong balilar üchünmu küchke ikenliki tekitlendi.
