amérika: irangha ortaq jawab qayturulidu
amérika qoshma ishtatliri iranning hindi okyanda israiliye shirkitige tewe tiransiport paraxotigha hujum qilghanliqi seweblik irangha ortaq jawab qayturulidighanliqini bildürdi.
türkiye awazi radiyosi xewiri: amérika qoshma ishtatliri tashqi ishlar ministiri antoni blinkén, axbarat élan qilish yighinida bergen bayanatida, iranning uzundin buyan déngiz tiransportini öz ichige alghan bir qatar heriketlerni élip bériwatqanliqi we mesuliyetsizlik qilishni dawamlashturuwatqanliqini eskertish bilen bir waqitta, hindi okyandiki hujumdin kéyin, amérika qoshma ishtatlirining rayondiki hemrahliri bilen mas qedemde heriket qiliwatqanliqini we rayon hökümetliri bilen dawamliq kéngesh ichide ikenlikini tekitlep mundaq dédi: «biz engiliye israiliye, ruminiye we bashqa döletler bilen nahayiti qoyuq alaqide boluwatimiz, irangha ortaq jawab qayturulidu.»
30 –iyul küni, israiliye déngiz tiransiport shirkitige tewe paraxot, tanzaniyedin ereb birleshme xelipilikige qarap kétiwatqanda, hindi okyanda hujumgha uchrighan, hujumda paraxottiki ikki paraxot xadimi hayatidin ayrilghanidi.
israiliye tashqi ishlar ministiri yair lapid, paraxotning hujumgha uchrishi seweblik, dunyagha iranning heriketlirini toxtitish toghruluq chaqiriqta bolghanidi.
iran, hujumda qoli barliqigha alaqidar dewalarni ret qilghanidi.
