rusiye afghanistan mesilisige dair söhbet musapisining japaliq bolidighanliqini bildürdi
rusiye pirézidénti wiladimir putinning afghanistan alahide wekili zamir kabulow afghanistan mesilisige dair söhbet musapisining japaliq bolidighanliqini éytti.
türkiye awazi radiyosi xewiri: kabulow, rusiyening paytexti moskwadiki ochuq diplomatiyeni qollash fondida ötküzülgen yumilaq üstel yighinida afghanistan mesilisi heqqide qilghan sözide, bu mesilining söhbet arqiliq hel qilinishi lazimliqini tekitlep mundaq dédi: «afghanistan mesilisige munasiwetlik söhbet musapisining ongushluq hem köngüldikidek bolushini kütmeslik lazim, chünki bu söhbet musapisi tolimu japaliq bolidu, biz bularning hemmisini nezerde tutup, heqiqiy diplomatiyening héssiyatni asas qilmaydighanliqini obdan chüshinimiz, derweqe, diplomatiye menpeet we pursetni asas qilidu.»
rusiyening taliban bilen dawamliq alaqe qiliwatqanliqini eskertken kabulow, talibanning rusiyege bergen wedisige emel qilishi lazimliqini tekitlep mundaq dédi: «eger bir terep, bizge bergen wedisining sirtigha chiqip kétishni qarar qilsa, choqum buning töleshke tégishlik bedili bolidighanliqini chüshinip yétishi kérek.»
