ruhani: söhbetler urushning aldini aldi
iran pirézidénti hesen ruhani, söhbetlerning irangha qilinmaqchi bolghan keskin bir meydan urushning aldini alghanliqini éytti.
türkiye awazi radiyosi xewiri: iran pirézidénti hesen ruhani, 2013-yili wezipige olturghanda, özlirini urush we tinchliqtin ibaret ikki ishning birini tallashtin biaret bir yolning kütüp turuwatqanliqini, netijide söhbet arqiliq urushning aldini alghanliqlirini éytti.
hesen ruhani pirézidént bolush süpiti bilen iran dölet téléwiziyesige bergen axirqi qétimliq bayanatida, firansiyening paytexti parizhdiki ziyariti jeryanida firansiyening sabiq pirézidénti firansua olandning uninggha: «5 + 1 döletliri (amérika, xitay, rusiye, engliye, firansiye we gérmaniye) bolush süpitimiz bilen, irangha qarshi qetiy urush échishni qarar qilghaniduq. biraq, siz wezipige olturup, söhbet ötküzüshke teyyar ikenlikingizni jakarlighandin kéyin, biz urushtin waz kechtuq» dégenlikini esltiip ötti we sözini dawamlashturup: «men wezipige olturghanda aldimda ya dunyagha qarshi urushqa kirish yaki tinchliq ornitishtin ibaret ikki yol bar idi. chare diplomatiye we söhbetler idi. söhbetler urushning aldini aldi» dégenlerni qeyt qildi.
yadro kélishimide 5 + 1 döletliri bilen körüshkenliklirini, emma emeliyette iranning amérika bilen söhbet ötküzgenlikini bildürgen ruhani: «bügünmu biz asasen amérika bilen söhbetlishiwatimiz. (awstriyening paytexti) wiyénnada 4 + 1 döletliri (gérmaniye, engliye, firansiye, xitay, rusiye) bilen sözlishiwatimiz, biraq, emeliyette söhbetning yene bir teripi amérika qoshma ishtatliridur» dédi.
iranning kéler nöwetlik hökümitining eng muhim küntertipining söhbet bolidighanliqini tekitligen ruhani: «munasiwet ornitishtin bashqa héchqandaq chare yoq» dégenlerni sözlirige ilawe qildi.
