nigériyede boko haramning 91 ezasi teslim boldi

türkiye awazi radiyosi xewiri: nigériye dölet mudapie ministirliqining muawin bayanatchisi bérnard onyéko, borno ölkisining oxshimighan rayonliridiki zerbe bérish heriketliri jeryanida teshkilatning 91 ezasining teslim bolghanliqini bildürdi.

onyéko, zerbe bérish herikiti jeryanida teshkilat ezalirigha tewe nurghun qoral we oq- dorilarning qolgha chüshürülgenlikini eskertti.

yéqinqi yillardin buyan élip bérilghan heriketlerge qarimay, bu teshkilat afriqadiki nopusi eng köp dölet nigériyede izchil halda éghir bixeterlik mesilisi peyda qilmaqta.

nigériyede 2000- yillarning béshidin bashlap mewjutluqini hés qildurup kéliwatqan boko haramning 2009-yildin buyanqi keng kölemlik zorawanliq heriketliride 20 mingdin artuq adem qaza qildi.

bu teshkilat 2015- yildin bashlap döletning chégra qoshniliri kaméron, chad we nigérdimu her xil weqelerni tughdurdi. teshkilatning chad köli oymanliqidiki hujumlirida kem dégende 2000 adem hayatidin ayrildi.

yüz minglighan kishi dölettiki térrorluq hujumliri we toqunushlar sewebidin köchüshke mejbur bolmaqta.