shimaliy koréye bilen jenubiy koréye otturisidiki resmiy alaqe qanalliri qayta échildi
shimaliy koréye bilen jenubiy koréye otturisida ötken yili taqilip qalghan alaqe qanallirining qaytidin échilghanliqi élan qilindi.
türkiye awazi radiyosi xewiri: jenubiy koréye pirézidéntliq ishxanisidin élan qilinghan bayanatta, shimaliy koréye rehbiri kim jongun bilen jenubiy koréye pirézidénti mon jain otturisida taqilip qalghan alaqe qanallirini qaytidin échish üchün apréldin buyan dawamlashqan yézishishlarning ijabiy netijige érishkenliki bildürüldi.
bayanatta ikki dölet otturisidiki resmiy alaqe liniyesining aktip halgha keltürülgenliki, öz-ara ishench asasida ikki terep munasiwetlirining baldurraq eslige kélishi ümid qilinghanliqi uqturuldi.
shimaliy koréye dölet agéntliqimu jenubiy koréye élan qilghan resmiy bayanatni jezmleshtürdi.
shimaliy koréye hökümiti ötken yili jenubiy koréyelik paaliyetchilerning shimaliy koréye chégrasida déngiz yoli arqiliq teshwiqat waraqchisi ewetkenlikige qarshi tedbir alalmighanliqi sewebidin jenubiy koréye bilen bolghan alaqe yollirini taqashni qarar qilghan idi.
