ékwadorda ikki türmide yüz bergen isyanda 21 adem öldi
jenubiy amérika döliti ékwadorda birla waqitta ikki türmide mehbuslar arisida yüz bergen isyanda 21 kishi hayatidin ayrildi, 35 kishi yarilandi.
1679170
türkiye awazi radiyosi xewiri: ékwadorning gayakwil we kotopashi sheherliridiki türmilerde birla waqitta guruhlar otturisida rehberlik jédili sewebidin isyan chiqti.
saqchilar teslikte kontrol astigha alghan isyanda 21 mehbus hayatidin ayrildi, 6 saqchini öz ichige alghan 35 adem yarilandi.
saqchilar jédelning zeherlik chékimlik etkeschiliki shaykiliri arisidiki ittipaq teshkil qilishning netijisi ikenlikini bildürdi.
igilinishiche, texminen 38 ming mehbus we tutqun qamalghan ékwador türmiliride, guruhlar arisidiki weqeler bezide isyanlarni keltürüp chiqarmaqta iken.
dölette 2-ayning 24-küni 3 sheherde birla waqitta yüz bergen isyanlarda 80 mehbus hayatidin ayrilghanidi.
