kanadada chérkaw mektepliridin tépiliwatqan kichik bala mazarliqliri hemmini heyran qaldurmaqta
kanadaning british kolombiye ölkisidiki bir yataqliq mektepke tewe jayda ismi namelum 160 din artuq kichik balining qebrisi tépildi.
türkiye awazi radiyosi xewiri: kanada resmiy axbarat orgini «CBC» ning xewirige qarighanda, jenubiy déngiz qoltuqi aralliridin biri bolghan kupér arilidiki pénilakut yerlik qebilisining kupér arili yataqliq chérkawigha tewe rayonda 160 din artuq «höjjetsiz we belgisiz» qebrini tapqanliqi bildürülgen.
pénilakut yerlik qebilisi aqsaqallirining qoshna birinchi xelq yerlik ahalilirini bayqashqa dair bergen melumatliri sayisida yéngidin bayqalghan qebriler heqqidiki uchurlar ashkarilandi.
qebile teripidin élan qilinghan bayanatta: «biz silerni kupér arili yataqliq chérkaw mektipi meydani we qirghaqlirimizda 160 tin artuq ‹höjjetsiz we belgisiz› qebrini jezmleshtürüsh xizmitimizge qatnishishqa teklip qilimiz» déyildi.
xewerde, qebriler heqqide tepsiliy melumat bérilmigenliki, qebile aqsaqalliriningmu muzakire telipige téxiche jawab qayturmighanliqi uqturuldi.
kupér arili yataqliq chérkaw mektipi, resmiy royxetlerge asaslanghanda, 1890-yildin 1970-yilghiche jenubiy déngiz qoltuqi aralliridin biri bolghan kupér arilida paaliyet qilghan.
kanadada chérkaw mektipi hoylisida royxetke élinmighan balilar qebrisi tunji qétim 29-mayda biritish kolombiye ölkisige qarashliq kamlops shehiridiki yataqliq chérkaw mektipining baghchisidin tépilghan we 215 balining jesiti bilen tunji qétim küntertipke kelgen idi.
24-iyundimu sakatchéwan ölkisidiki mariwal yataqliq chirkaw mektipining baghchisida ruyxetke élinmighan 751 kichik balining jesiti bar qebriler tépilghan idi.
biritish kolumbiye ölkisidiki sabiq saynit éwgén burch chirkawi mektipining yénidinmu 30- uyunda ruyxetke élinmighan 182 kichik balining jesiti bar qebriler tépilghan idi.
