birmada armiye bilen étning guruppilarning qoralliq toqunushi dawam qilmaqta
birmada armiye bilen herbiy özgirishke qarshi guruppilar otturisida ötken hepte yüz bergen qoralliq toqunushlarda eng az dégende, 40 eskerning öltürülgenliki ilgiri sürüldi.
türkiye awazi radiyosi xewiri: birmada herbiy özgirishtin kéyin 5-may (2021) namayishchilar teripidin qurulghan xelq mudapie küchining bayanatida, 2- we 4-iyul sagaying rayonida birma armiyesining puqralargha hujum qilishi bilen toqunushlarning kélip chiqqanliqi bildürüldi.
bayanatta, toqunushlarda xelq mudapie küchining eng az dégende 40 eskerni öltürgenliki we üch herbiy aptomobilni pachaqlap tashlighanliqi qeyt qilindi.
rayonda heriket qiliwatqan étnik qoralliq guruppilardin kachin musteqilliq armiyesining birma armiyesi bilen bolghan toqunushlarda, xelq mudapie küchige yardem qilghanliqi eskertildi.
birma armiyesi toqunushlarda yüz bergen ölüm-yétimlar toghrisida héchqandaq bayanat élan qilmidi.
birma armiyesi 2020-yili 8-noyabir ötküzülgen saylamlarda saxtipezlik qilinghanliqining ilgiri sürülüshi we dölet ichide siyasiy jiddiychiliklerning yüz bérishidin kéyin, 1-féwral (2021) hakimiyetni tartiwalghan idi.
birma armiyesi döletning emeliy rehbiri we tashqi ishlar ministiri ang san suchini öz ichige alghan nurghun rehberler bilen hakimiyet béshidiki partiye mesullirini tutqun qilip, bir yilliq jiddiy halet élan qilghan idi.
birma armiyesining herbiy özgirishige qarshi bashlanghan namayishlar we isyanchi guruppilarning qoralliq qarshiliq körsitishi netijiside, bügüngiche 898 kishi jénidin ayrildi, minglarche kishi tutqun qilindi.
birmada keng kölemlik namayishlar izchil ötküzülüwatqan bolup, yuqiri derijilik emeldarlarni herbiy sotta sotlash ishlirimu dawamlashmaqta.
