surfsaydtiki bina qazasida ölgenler sani 36 ge yetti
amérikaning filorida ishtati miami shehirining surfsayd rayonida 24-iyun örülüp chüshken 13 qewetlik binaning qalduqliri astidin jesiti chiqirilghanlarning sani 36 ge yetti.
türkiye awazi radiyosi xewiri: miami-dadé sheherlik hökümet bashliqi daniélla léwin kawa, binaning qalduqliri astidikilerni izdesh – qutquzush xizmetliri jeryanida yene töt kishining jesitining tépilghanliqini, shuning bilen, hazirghiche jesiti tépilghanlar omumiy sanining 36 ge yetkenlikini, bulardin 29 ining kimlikining éniqlanghanliqini, xarabilikning astida yene 109 ademning barliqini bildürdi.
élsa issiq belwagh borini floridagha yéqinlashqanlashqandin kéyin, mezkur binaning bixeter emesliki bildürülgen jenubi qismi 7-ayning 4-küni shu yer waqti 10:30 da pilanliq shekilde yiqitilghanidi.
6-ayning 24-küni miami déngiz sahilining shimaligha jaylashqan 5600 nopusluq surfsayd rayonidiki 270 turalghudin terkib tapqan 13 qewetlik bir binaning yérimi tuyuqsizla örülüp chüshkenidi.
surfsayd rayoni mesulliri, 2018-yili bina bashqurush heyitige mektup yollap, 1981-yili sélinghan binaning qurulmisining éghir xewp astida ikenlikini, bina tamliridiki yériq we örülüp chüshken bétonlarni eslige keltürüsh üchün texminen 9 milyon dollar chiqim qilish lazimliqini uqturghanidi.
