mishél: yawropa ittipaqi türkiye bilen yüzturane, tengpung munasiwet ornitishni xalaydu
yawropa ittipaqi kéngishi reisi charliz mishél yawropa ittipaqining türkiyege qarita yüzturane, tengpung we yanghili bolmaydighan shekilde munasiwet ornitish üchün siyaset berpa qilishni dawamlashturidighanliqini éytti.
türkiye awazi radiyosi xewiri: mishél 24-25-iyun (bélgiyening paytexti biryussélda) ötküzülgen yawropa ittipaqi rehberliri yighinining netijisi heqqide yawropa parlaméntidiki yighinda parlamént ezalirigha xitab qildi.
mishél bashliqlar yighinida kowid -19, köchmenler mesilisining tashqi munasiwettiki orni, iqtisadning eslige kélishi we eqelliy insan heq- hoquqliridin bashqa yene, qanunning üstünliki qatarliq témilarning muzakire qilinghanliqini eskertip, sherqiy ottura déngizdiki jiddiylikning töwenlishining yaxshi bir alamet ikenlikini bildürdi.
mishél yawropa ittipaqining türkiyege qarita yüzturane, tengpung we yanghili bolmaydighan shekilde munasiwet ornitish üchün siyaset berpa qilishni dawamlashturidighanliqini tekitlidi.
mishél tamozhna ittipaqini yéngilash xizmitining bashlanghanliqini tekitlep, yawropa ittipaqi komitétining türkiye sahibxanliq qiliwatqan süriyelikler üchün qoshumche fond bilen teminleshke qoshulghanliqini eskertti.
