tajikstan afghanistan chégrasigha 20 ming esker ewetidu

türkiye awazi radiyosi xewiri: tajikstan pirézidénti imameli raxman afghanistan chégrasini küchlendürüsh üchün 20 ming zapas eskerni seperwerlikke keltürüsh permani chüshürdi.

tajikstan pirézidéntliq mehkimisi axbarat ishxanisining bayanatida bildürülishiche, imameli raxman bashchiilqida milliy xewpsizlik kéngishi yighini échilghan bolup, yighinda tajikstan-afghanistan chégrasining nöwettiki weziyiti, chégra rayonlirida bixeterlikni kapaletke ige qilish we chégra qoghdashni küchlendürüsh üchün yolgha qoyulidighan siyasetler muzakire qilinghan.

dölet chégralirini qoghdash üchün chégra qoghdash iqtidarini küchlendürüsh we bezi rayonlargha zapas qisimlarni ewetish permani chüshürülgen yighinda, chégra halqighan jinayetler we chégragha xilapliq qilishning aldini élish mesililirimu muzakire qilinghan.

yighinda, imameli raxman dölet mudapie ministirliqigha tajikstan-afghanistan chégrasini küchlendürüsh üchün 20 ming zapas ewetish permanni chüshürgen.

yéqinqi künlerde, talibanning tajikstan chégrasigha yéqin bezi rayonlarni qolgha chüshürüshi bilen, ikki dölet chégrasidiki weziyet jiddiyleshken bolup, talibanning hujumidin qachqan 1500 afghanistan eskiri tajikstan zéminida panahlanghan idi.