jansa: türkiye aqdéngizning eng muhim küchlirining birige ayliniwatidu

türkiye awazi radiyosi xewiri: jansa firansiyening strasburg shehiride ötküzülgen yawropa parlaménti omumiy yighinida, dölitining alte ayliq yawropa ittipaqi nöwetchi reisliki mezgilide nuqtiliq ijra qilidighan ishliri toghrisida toxtaldi.

janiz jansa, kowid – 19 yuqumi sewebidin teyyarlanghan yawropa ittipaqi qutquzush fondidin paydilinip, yawropa ittipaqining istratégiyelik musteqilliqini ishqa ashurushni aldinqi orungha qoyidighanliqini éytti.

u, türkiye we rusiye bilen yawropa ittipaqining uzun muddetlik munasiwitige éniqlima bérishning zörürlükini otturigha qoyup: ««türkiye aqdéngizning eng muhim küchlirining birige ayliniwatidu» dégenlerni qeyt qildi.

jansa, tashqi siyasette yawropa ittipaqi bilen gherbiy balqan otturisidiki munasiwetke ehmiyet béridighanliqini, öktebirde slowéniyede yawropa ittipaqi bilen gherbiy balqan döletliri otturisida bashliqlar yighini chaqiridighanliqini bildürdi.

u yene, yawropa ittipaqining kéngiyishide bezi qiyinchiliqlarning barliqigha isharet qilip, bizning meqsitimiz yawropa ittipaqining gherbiy balqan döletlirige munasiwetlik qarashlirini janlandurushtin biaret, dédi.