yawropa ittipaqi waksina guahnamisi belgilimisini ijra qilishni resmiy bashlidi

türkiye awazi radiyosi xewiri: yawropa ittipaqi chégraliri ichidiki sayahetlerde waksina guahnamisi belgilimisini ijra qilish resmiy bashlandi. buning bilen, yawropa ittipaqi döletliridin ayropilan bilen seper qilghanda, ayropilangha chiqishtin burun guwahnamini körsitish kérek.

yawropa ittipaqi dijital guahnamisi heqsiz bolup, qeghez yaki dijital shekilde teyyarlinidu. ayrimichiliqning aldini élish meqsitide, waksina emletmigen kishilermu guahnamini alalaydu. waksina guahnamisi kishilerning wuxen wirusi waksinasi emletken yaki emletmigenliki, emletken bolsa qeyerde we qaysi waksinani emletkenliki toghrisidiki uchurlarni, wuxen wirusi bilen yuqumlanghanlarning salametlikining eslige kelgenlikini bildüridighan ispatni we wuxen wirusi tekshürüshining menpiy netijisini öz ichige alidu.

wuxen wirusi tekshürüsh netijisining «PCR» türliri, sayahettin 72 saet burun küchke ige bolidu.

téz tekshürüsh netijisi 48 saet burunqi waqitni körsitidighan bolsimu, bu netijini étirap qilish-qilmasliqni her bir dölet özi qarar qilidu.

yawropa ittipaqida testiqlanghan fayzér, modérna, astrazénéka we jonson we jonson waksinalirining ikkinchi qétimliqini emlitip, aridin ikki hepte ötken kishilerge qoshumche sinaq yaki karantingha oxshash chariler körülmeydu.

guahname, yawropa ittipaqi puqralirigha, qaysi döletning puqrasi bolushtin qetiynezer aililirige, yawropa ittipaqida turidighan, emma yawropa ittipaqi puqrasi bolmighan kishiler bilen yawropa ittipaqida sayahet qilish hoquqigha ige kishilerge bérilidu.

waksina guahnamisi barliq yawropa döletliri bilen birlikte, islandiye, norwégiye we shiwéytsariye qatarliq döletlerdimu küchke ige bolidu.