afghanistanda bir künde 15 rayonda toqunush yüz berdi
afghanistanda bir künde taliban qoralliq küchliri bilen xewpsizlik qisimliri otturisida 15 rayonda yüz bergen toqunushlarda 119 taliban ezasi öltürüldi.
türkiye awazi radiyosi xewiri: afghanistan dölet mudapie ministirliqi yéqinqi 24 saette badghis, logar, faryab, tahar, daykundi, qendihar, qunduz, nangarhar, hérat, hélmand, farah, baglan, uruzgan we bedexshan wilayetlirining 15 ayrim rayonida, taliban qoralliq küchliri bilen toqunush yüz bergenlikini élan qildi.
toqunushlarda 119 taliban ezasining öltürülgenliki, 84 taliban ezasining yarilanghanliqi, nurghun qoral-yaragh we oq-dorilarning qolgha chüshürülgenliki qeyt qilindi.
taliban élan qilinghan bayanatta, yéqinqi 24 saette xewpsizlik qisimliri bilen chiqqan toqunushlarda, 30 din artuq xewpsizlik xadimining öltürülgenliki ilgiri sürüldi.
afghanistanda may éyi (2021) ning béshidin tartip chet el qisimlirining chékinishike bashlishi bilen, toqunushlar köpeydi.
afghanistan dölet xewpsizlik kéngishi ötken hepte talibanning may éyida 1455 qétim hujum teshkilligenlikini uqturghan idi.
taliban qoralliq küchliri yéqinqi ikki ay ichide 15 nahiyening kontrolluqini qolgha kirgüzüwaldi.
b d t ning melumatlirida körsitilishiche, taliban afghanistan zéminining %50 din %70 giche qismini kontrol qilmaqta iken.
