israiliye ghezzeni bombardiman qildi
israiliye urush ayropilanliri ghezze rayonida pelestin tirkishish guruppilirigha ait ikki nishanni bombardiman qildi.
türkiye awazi radiyosi xewiri: israiliye urush ayropilanliri, ghezze rayonining jenubidiki xan yunus shehirining sherqige jaylashqan muin rayonida pelestin tirkishish küchlirige ait bir nishangha bashqurulidighan bombilar arqiliq hujum qildi. buningdin bashqa yene, urush ayropilanliri ghezzening jenubidiki zeytun mehelliside pelestin tirkishish küchlirige ait bir nishannimu bombardiman qildi.
pelestin sehiye ministirliqi, hujumlarda adem yarilinish ehwali körülüp körülmigenliki heqqide bayanat élan qilmidi.
israiliye armiyesi teripidin élan qilinghan bayanatta, hawa hujumining, ghezzedin israiliye terepke qilinghan balon hujumigha jawab ikenliki bildürüldi.
israiliye armiyesi, 21 – maydiki urush toxtitish kélishimidin buyan ghezzege tunji qétim hujum qildi.
israiliyening qamal astidiki ghezze rayonigha 10 – may küni qozghighan hujumlar, hamas bilen hasil qilinghan urush toxtitish kélishimige asasen, 21 – may küni axirlashqanidi. israiliyening ghezzege qilghan hujumlirida 66 si bala, 39 i ayal bolup, jemiy 254 pelestinlik hayatidin ayrilghanidi.
