makron: jumhur reis erdoghan bilen körüshüshni dawamlashturushimiz kérek
firansiye pirézidénti émmanuél makron pikir oxshimasliqliri bolushigha qarimay jumhur reis rejep tayyip erdoghan bilen körüshüshni dawamlashturush lazimliqini éytti.
türkiye awazi radiyosi xewiri: firansiye pirézidénti émmanuél makron, paytext parizhdiki élisé sariyida ötküzgen axbarat élan qilish yighinida, 14 – iyun küni bélgiyening paytexti biryussélda chaqirilidighan shimaliy atlantik ehdi teshkilati bashliqlar yighini dairiside özining hem jumhur reis erdoghanning körüshüshni xalaydighanliqini eskertish bilen bir waqitta, buning yaxshi ish ikenlikini tekitlep mundaq dédi: «chünki bir – birimizni körüshke éhtiyajimiz bar. gerche jumhur reis rejep tayyip erdoghan bilen pikir oxshimasliqlirimiz bar bolsimu, yenila özara körüshüshni dawamlashturushimiz lazim. shuni alahide tekitlep ötimenki, jumhur reis rejep tayyip erdoghan bilen körüshüp, shimaliy atlantik ehdi teshkilati, süriye, liwiye, taghliq qarabagh we firansiyening <radikalizm> gha qarshi kürishi qatarliq mesililer heqqide söhbet élip bérishni arzu qilimen. jumhur reis erdoghangha, <radikalizm> gha qarshi küreshning hergizmu islam dinini nishan qilmaydighanliqini chüshendürimen, shundaqla ishqa ashurulghusi hemkarliq saheliri toghriliqmu jumhur reis erdoghan bilen muzakire élip barimen.»
