israiliye üch pelestinlikning jénigha zamin boldi

türkiye awazi radiyosi xewiri: israiliye qisimlirining ishghaliyet astidiki gherbiy qirghaq (iyordan deryasining gherbiy qirghiqi)ning shimalidiki jenin shehirige qilghan hujumigha qarshiliq körsitishke urunghan üch neper pelestinlik hayatidin ayrildi, bir adem yarilandi.

jenin shehirige bésip kirgen israiliye xewpsizlik küchliri, pelestin bixeterlik qisimlirining qarshiliqigha uchridi؛ ikki terep otturisida yüz bergen toqunushlarda, ikkisi pelestin hökümiti qarmiqidiki xewpsizlik küchliri xizmetchisi bolup jemiy üch kishi jénidin ayrildi.

hayatidin ayrilghan léyténant ethem aleywi bilen kapitan teysir isaning herbiy axbarat orginida ishleydighanliqi, jemil mehmud elamurining ilgiri israiliye türmiliride yatqan bir  pelestinlik ikenliki bildürüldi.

igilinishche, éghir yarilanghan pelestinlikmu pelestin bixeterlik qismliri xadimi iken.

jenindiki herbiy axbarat idarisining mudiri polkownik talib salahatmu bayanat bérip, aleywi bilen isaning kéchide posta turuwatqan esnada öltürülgenlikini bildürdi.

israiliye bu hazirghiche héchqandaq bayanat élan qilmidi.