amérika: köchmenler öz dölitige qayturilidu
amérika qoshma ishtatliri muawin pirézidénti kaméla xaris amérikagha qanunsiz yollar bilen kelgen gwatémalaliq köchmenlerning öz dölitige qayturulidighanliqini bildürdi.
türkiye awazi radiyosi xewiri: wezipige olturghandin buyan tunji chet el ziyaritini giwatémalagha qilghan amérika muawin pirézidénti kaméla xaris, giwatémala dölet ishliri ministiri aléjandro giammattéy teripidin döletlik medeniyet sariyida qobul qilindi.
xaris bilen giammattéy, heyetler ara uchrishishlardin kéyin, qoshma axbarat élan qilish yighini ötküzdi.
giammattéy, bu yerde qilghan sözide, yéqindin buyan barghanséri zoriyiwatqan köchmenler kirizisining nahayiti chong mesilige ayliniwatqanliqini tekitlep, mundaq dédi: «birlikte heriket qilishimizgha tégishlik nahayiti köp ishlar bar, derweqe, insanlarning bu yerde yashash pursetlirige érishishi we bu pursetlerni bashqa jaylarda izdimeslikige toghra kélidu.»
kaméla xaris bolsa, giwatémala bilen qanunsiz köchmenlik, zorawanliq we chiriklik mesililiri heqqide muzakirilerni élip bérish üchün, bu ziyaretni ishqa ashurghanliqlirini eskertish bilen bir waqitta, amérika qoshma ishtatlirigha qanunsiz yollar bilen kélidighan köchmenlerning öz dölitige qayturulidighanliqi toghruluq agahlandurushta boldi.
