gruziye türkiyeni her sahede qollap quwwetleydighanliqini bildürdi

türkiye awazi radiyosi xewiri: zalkalini gruziye téléwiziye qanili «Imedi» ning ziyaritini qobul qilip bergen bayantida, gruziye bash ministiri irakli garibashwilining 1- iyunda türkiyede élip barghan resmiy ziyariti üstide toxtaldi.

türkiye jumhur reisi rejep tayyip erdoghanning enqerede resmiy uchrishishlarda bolghan garibashwilini yuqiri sewiyelik méhmandostluq bilen qarshi alghanliqini bayan qilghan zalkalini, gruziyening türkiye üchün bixeter shérik dölet ikenlikini tilgha aldi.

zalkalini erdoghan bilen garibashwilining ikki dölet otturisidiki 1 milyard 500 milyon dollarliq soda omumiy sommisini 3 milyard dollargha yetküzüsh üchün kéreklik yolyoruqlarni bergenlikini eskertti.

türkiyening zémin pütünlüki we igilik hoquqini hemde shimaliy atlantik ehdi teshkilati we yawropa ittipaqi bilen bir gewdilishishini qollap – quwetleydighanliqini tekitligen zalkalini, «türkiye bizning istratégiyelik shérikimizdur, türkiye herqaysi xelqaraliq munberlerde gruziyening zémin pütünlüki we igilik hoquqini küchlük qollap kelmekte» dédi.

zalkalini türkiye-gruziye-ezerbeyjan otturisida, baku-tiflis-qars (BTK) tömür yol layihesi qatarliq nurghun xelqaraliq qatnash we énérgiye türlirini emelge ashurghanliqini eskertip, «bu xil xelqaraliq layiheler rayonning bixeterliki üchün intayin muhim» dédi.

zalkalini bash ministir garibashwilining enqere ziyariti dairiside ötküzülgen birleshme axbarat élan qilish yighinida, jumhur reis erdoghanning «türkiye gruziyeni rayon xaraktérlik hemkarliqining achquchi dep qaraydu» dégen sözini eslitip, erdoghanning gruziyening rayon we xelqaraliq rolini eng toghra bahalighanliqini bildürdi.