somali kéniyening hawa hujumigha naraziliq bildürdi
somali, kéniyening jubaland ölkisige qaratqan hawa hujumining puqralarning ölüshi we yarilinishini keltürüp chiqarghanliqini uqturdi.
1652203
türkiye awazi radiyosi xewiri: somali tashqi ishlar ministirliqi bayanat élan qilip, kéniye dölet mudapie qisimlirining 3- iyun jubalan ölkisining eleddi we hisaugur rayonlirigha qara – qoyuq hawa hujumi qilghanliqini, hujumlarning puqralarning ölüsh we yarilinishini keltürüp chiqarghanliqini bildürdi.
bayanatta, kéniye armiyesining ashqunluqqa qarshi turush namida élip barghan herbiy heriketlirining xelqara qanunlargha mas kelmeydighanliqi körsitildi.
bayanatta, kéniyeni qattiq eyibleydighanliqliri, shundaqla jawabkarlarning mesuliyitining sürüshte qilinishi üchün, bu ehwalning somalidiki afriqa elliri ittipaqi ishxanisigha doklat qilinidighanliqi otturigha qoyuldi.
somali 2020- yili 12- ayning 15- küni ichki ishlirigha arilashqanliqi we zémin pütünlükige hörmet qilmaywatqanliqini otturigha qoyup, qoshnisi kéniye bilen bolghan barliq diplomatik munasiwetni üzgenidi.
kéniye bilen somali otturisidiki munasiwetler hindi okyandiki mol néfit we tebiiy gaz zapisi rayonigha alaqidar déngiz chégrasi talash - tartishidin kéyin nacharliship ketkenidi.
moqdishu hökümiti yene, kéniyeni somalining jubaland qatarliq bir qisim ölkilirining siyasiy ishlirigha arilishish bilen eyibleydu.
