kolombiyede minglarche kishi namayishlarning axirlishishini telep qildi
kolombiyede minglarche kishi bir aydin buyan dawamlishiwatqan keng kölemlik namayishlarning axirlishishi üchün piyade yürüdi.
türkiye awazi radiyosi xewiri: kolombiye paytexti bogotada oxshimighan sahelerning wekilliridin teshkil tapqan minglarche kishi bir yerge jem bolup, namayishlar sewebidin iqtisadiy ziyangha uchrighanliqlirini bildürdi we bu sewebtin namayishlarning axirlishishini telep qildi.
namayishchilar yürüsh jeryanida her xil shoarlarni towlap, yollarda qurulghan tosuqlarning éliwitilishini we yéqinqi künlerdiki namayishlarda éshiwatqan xewpsizlik tarmaqlirigha qiliniwatqan zorawanliqlarning axirlishishini telep qildi.
kolombiyede 32 kündin buyan «memliketlik ish tashlash» dairiside, namayishchilar teripidin yollarning pat-pat taqiwélinishi we tosuqlarning qurulushi, soda-tijaretke selbiy tesir körsitip, mal bahasining ösüp kétishige seweb boldi.
2021-yili 28-may namayishlarning bashlanghinigha bir ay bolghanliqi sewebi bilen kochilargha chiqqan minglarche kishining hökümetke qarshi namayishida jalida yüz bergen weqelerde, 13 kishi jénidin ayrilghan idi. paytext bogotada bolsa, 185 kishi yarilanghan idi.
