engiliye bash ministiri boris jonson mexpiy murasimda toy qildi

türkiye awazi radiyosi xewiri: engiliye metbuatliridiki xewerlerge asaslanghanda, 56 yashliq bash ministir jonson 33 yashliq bolghusi ayali simonds bilen wéstministér chong chérkawida aile ezaliri we dostliri qatnashqan 30 kishilik kichik murasimda toy qilghan.

bash ministirning 10-nomurluq ishxanisi bu heqte resmiy bayanat élan qilishtin özini qachurdi.

shimaliy irélandiye rayonluq hökümitining bash ministiri we démokratik ittipaq partiyesining rehbiri arlén fostér tiwittérdiki yazmisida jonson we simondsning toy qilghanliqini tebriklidi.

2019-yili 12-ayda toy qilishqa ehdileshken bu bir jüplarning wilfréd lawri nikolas jonson isimlik ​​bir oghli bolghan idi.

jonsonning ilgiriki ayalidin 4 balisi bar bolup, 2018-yili ajrashqan we hazirqi ayalidin toy qilmay turup 1 balisi bolghan idi.