amérika qatarliq besh dölet süriyede ötküzülidighan saylam toghrisida bayanat élan qildi

türkiye awazi radiyosi xewiri: amérika tashqi ishlar ministirliqi élan qilghan birleshme bayanatta: «firansiye, gérmaniye, italiye, engliye we amérikaning diplomatiye ministirliri bolush süpitimiz bilen, 26- may süriyede ötküzülidighan pirézidéntliq saylimining erkin we adil bolmaydighanliqini éniq otturigha qoyimiz. esed hakimiyitining bu saylamni b d t xewpsizlik kéngishining 2254 – nomurluq qararining ramkisi sirtida ötküzüshni qarar qilishini ret qilimiz» dégen ibarilerge orun bérildi.

alaqidar döletlerning süriyeliklerning awazi we pikiri orun almaydighan bir  saylam jeryanini qobul qilmaydighanliqi tekitlengen bayanatta, süriye öktichilirining mezkur «saylamni qanunluq dep qarimaydighanliqi»gha isharet qilindi.

süriyede erkin we adil saylamni peqet b d t ning nazariti, shundaqla xelqaraliq ochuq- ashkariliq hemde jawabkarliqini sürüshte qilishqa bolidighan sharaitta élip barghili bolidighanliqi eskertilgen bayanatta: «saylamning ishenchilik bolushi üchün dölet ichidiki yurt – makanliridin ayrilip qalghan süriyelikler, musapirlar we muhajirettikilerni  öz ichige alghan barliq süriyelikler uninggha xatirjem qatnishalishishi kérek. bu amillar bolmay turup ötküzülgen bu hiyle arilashqan saylam, siyasiy yarishish yolidiki héchqandaq ilgirileshke wekillik qilmaydu» dégenler qeyt qilindi.