padishah 2 - abdullah yaridar pelestinliklerni iyordaniye doxturxanilirigha yötkeshni telep qildi
iyordaniye padishahi ikkinchi abdullah israiliyening ghezzege qilghan hujumida yarilanghan pelestinliklerning dawalinishi üchün iyordaniye doxturxanilirigha élip kélinishini telep qildi.
türkiye awazi radiyosi xewiri: iyordaniye padishahliq diwanining bayanatida, padishah ikkinchi abdullahning ghezzediki iyordaniye dala herbiy doxturxanisi emeldarigha téléfon qilip, pelestinliklerge sunuliwatqan mulazimetler heqqide melumat alghanliqi bildürüldi.
bayanatta, iyordaniye padishahining ghezze sirtida dawalinishqa éhtiyajliq yaridar pelestinliklerni iyordaniyediki doxturxanilargha yötkeshke buyrughanliqi uqturulup, téléfon söhbitide yene «qérindash pelestinliklerge her türlük yardemlerni qilishni dawamlashturimiz» dégenliki eskertildi.
israiliyening qorshawi astidiki ghezze rayonigha 10-mayda bashlighan hujumliri 21-mayda hamas bilen tüzülgen urush toxtitish kélishimige asasen shu yerning waqti 02:00 de axirilashqan idi.
israiliye armiyesi ghezze rayonigha qilghan hujumlirida 66 kichik bala we 39 ayalni qoshqanda, jemiy 248 pelestinlik shéhit bolghandin sirt 1948 kishi yarilinip, 120 mingdin artuq kishi öy-makanliridin ayrilip qalghan idi.
