baydin: israiliyege bergen ehdlirimizde özgirish yoq
amérika qoshma ishtatliri pirézidénti jo baydin israiliyege bergen ehdiliride héchqandaq özgirish yoqluqini éytti.
türkiye awazi radiyosi xewiri: jenubiy koréye pirézidénti mon jain bilen téléfonda körüshkendin kéyin élan qilghan bayanatida, israiliyening ghezzege qaratqan hujumliri we amérika qoshma ishtatlirining israiliyege sétip bergen 735 milyon dollarliq qoral – yaragh heqqide toxtalghan amérika qoshma ishtatliri pirézidénti jo baydin, bezi démokratlarning tenqidlirige jawab bérip mundaq dédi: «israiliyening bixeterliki üchün bergen ehdilirimizde héchqandaq özgirish yoq, rayonda ikki döletlik tüzümge hazirmu éhtiyajimiz bar, derweqe, saqliniwatqan mesililerni hel qilishning birdinbir charisimu mushu tüzüm bolidu.»
ghezzening qaytidin qurup chiqilishi üchün bashqa döletler bilen iqtisadiy pilan layihesi tüzüsh mesiliside xizmet ishleydighanliqlirini eskertken baydin, mundaq dep körsetti: «rayon döletliri israiliyening musteqil yehudiy dölet süpitide mewjut bolush hoquqini étirap qilghangha qeder tinchliq bolmaydu.»
