wabagha munasiwetlik ölüm sani resmiy reqemdin 3-2 hesse köp bolushi mumkin
dunya sehiye teshkilati wuxen wirusi (Kovid-19) gha munasiwetlik ölüm sanining, resmiy reqem bolghan 3.4 milyondin 3-2 hesse köp bolushi mumkinlikini bildürdi.
türkiye awazi radiyosi xewiri: dunya sehiye teshkilati 2021-yilliq dunya sehiye istatistika doklatini we dunyada éshiwatqan wuxen wirusigha munasiwetlik ölüm nisbiti texminlirini öz ichige alghan doklatni élan qildi.
dunya sehiye teshkilatining sanliq melumatlarni analiz qilish bölümige mesul muawin diréktor samira asma jenwede échilghan sinliq axbarat élan qilish yighinida, doklat heqqide melumat berdi.
samira asma anadolu agéntliqi muxbirining dunyadiki wuxen wirusigha munasiwetlik ölüm sanliri toghrisidiki soalgha: «mushu ayghiche resmiy reqem süpitide 3.4 milyon ölümning doklat qilinghanliqini bilimiz. emma, bu san emeliyettin 3-2 hesse köp bolushi mumkin» dep jawab berdi.
u waba dawamliq tarqiliwatqan, bolupmu hindistan, népalgha oxshash asiyadiki döletlerni asas qilghan latin amérika döletliride, wuxen wirusigha munasiwetlik ölümlerning izchil éshiwatqanliqini qeyt qildi.
u nurghun döletlerde wuxen wirusigha munasiwetlik ölümlerni doklat qilishta mesile barliqini eskertip: «dunya sehiye teshkilati bu sewebtin, barliq döletlerni küchlük bolghan melumat we sehiye uchuri sistémilirini tereqqiy qildurushqa we buninggha meblegh sélishqa chaqiridu» dédi.
