firansiye b d t xewpsizlik kéngishige layihe sunidu
firansiye b d t xewpsizlik kéngishige isirailiye bilen pelestin otturisida urush toxtitishni telep qilghan layihe sunidu.
türkiye awazi radiyosi xewiri: b d t xewpsizlik kéngishi isirailiye bilen pelestin otturisida yüz bergen sürkilishni we ghezzege qiliniwatqan hawa hujumlirini muzakire qilish üchün 4-qétim yépiq shekilde toplandi.
diplomatik menbelerdin élinghan melumatlargha asaslanghanda, firansiye b d t xewpsizlik kéngishige tunis bilen birlikte «urush toxtitish we insanperwerlik yardimi yetküzüsh» ni telep qilghan layihe sunidiken.
kéngeshning nöwetchi reisi xitayning daimiy wekili jangjün yighindin kéyin, muxbirlarning ziyaritini qobul qilip: «toqunushlar, zorawanliqlar axirlishishi, puqralar qoghdilishi kérek» dédi.
b d t xewpsizlik kéngishi isirailiye-pelestin kirizisini muzakire qilish üchün buningdin burun üch qétim toplandi, biraq amérikaning ret qilishi sewebidin hazirghiche konkrét qedem bésilmidi.
b d t ning melumatlirida körsitilishiche, isirailiyening ghezzege qilghan hawa hujumliri sewebidin 58 mingdin artuq pelestinlik yurt-makanliridin ayrilghan.
isirailiyening 10-may (2021) din tartip ghezzege qilghan hujumlirida, 63 kichik bala we 36 ayalni öz ichige alghan 220 pelestinlik shéhit bolghan, 1500 kishi yarilanghan.
