xitayning alem boshluqida kardin chiqip, ot ketken rakétasining parchiliri hindi okyangha chüshti
xitay alem ponkitining yadroluq modélini orbétagha élip bérish üchün qoyup bérilgen we kontrolluqini yoqitip atmosférada parchilinip ketken «uzun seper 5B» rakétasining parchilirining maldiwégha yéqin hindi okyanning melum jaylirigha chüshkenliki élan qilindi.
türkiye awazi radiyosi xewiri: xitayning alem qatnishi inzhénérliq ishxanisi bayanat élan qilip, 29-aprélda alem boshluqigha qoyup bérilgen we parchilinishtin kéyinki qalduqlirining köpinchisige atmosférada köyüp ketken «uzun seper 5B» namliq rakétasining bashqa qalduqlirining hindi okyangha chüshkenlikini bildürdi.
bayanatta, rakétaning béyjing waqti etigen saet 10:24 (enqere waqti etigen 05:24) etrapida maldiwégha yiqin jaygha chüshkenliki uqturuldi.
rakétaning ornini iz qoghlap közitip kéliwatqan «SpaceTrack.com» tor bétimu «uzun seper 5B» namliq xitay rakétasining chüshkenlikini delillidi.
xitay alem ponkitining tunji parchisi shundaqla yadroluq modéli tyenxini alem boshluqigha élip chiqish üchün 29 – aprélda «uzun seper 5B» namliq rakéta qoyup bérilgen idi.
rakéta qoyup bérilgendin kéyin tyenxi modéli rakétadin ayrilip pilanlanghan orbétagha kirgen idi.
rakétaning asasliq chong gewdisi eslide kontrolluq astida yersharida aldin pilanlanghan nuqtigha yétip bérishi kérek idi, lékin kütülmigende xitay rakétasi alem boshluqida kardin chiqip, ot ketken we parchilinip ketken idi.
