béyjing awstraliyege küchlük naraziliq bildürdi

türkiye awazi radiyosi xewiri: xitay tashqi ishlar ministirliqi bayanatchisi wang wénbin, béyjing hökümiti bilen awstraliyening wiktoriye ölkisi otturisidiki ikki hemkarliq kélishimining bikar qilinishidin kéyin awstraliyege keskin ibarilerni ishlitip inkas qayturdi.

wang wénbin, awstraliyening qararigha «alliqachan uprap ketken ikki tereplik munasiwetni téximu nacharlashturidighan <chékinish>» dep baha berdi.

xitay hökümitining téximu köp jawab qayturush hoquqini saqlap qalghanliqini bildürgen bayanatchi wang wénbin, awstraliyeni bu qarardin waz kéchishke chaqirdi.

u,awstraliyening qararini qayturuwalmasliqining, xitayning «küchlük shekilde inkas qayturushi»gha seweb bolidighanliqini éytti.

awstraliyening wiktoriye ölkilik hökümiti, tünügün (2021-yili 21-aprél) xitayning iran we beshshar esed hakimiyiti bilen imzalighan ikki kélishimining awstraliyening diplomatiye siyasitige toghra kelmeydighanliqini, shundaqla tashqi munasiwetke zit ikenlikini ilgiri sürüp emeldin qaldurulghanliqini uqturghanidi.