engiliye rusiyelik rusiyelik öktichi alékséy nawalniyning salametlikidin endishe qimaqta
engiliye rusiyede türmide tutup turiliwatqan rusiyelik öktichi alékséy nawalniyning salametlikining nacharlishishidin qattiq endishe qiliwatqanliqini bildürdi.
türkiye awazi radiyosi xewiri: engiliye tashqi ishlar ministirliqining bayanatida, rusiyedin «siyasiy sewebler» bilen qolgha élinghan nawalniyni derhal qoyup bérish telep qilindi.
nawalniyning salametlik ehwalining nacharlashqanliqi toghrisidiki xewerlerdin qattiq endishe qiliwatqanliqi tekitlengen bayanatta, musteqil sehiye xadimlirining nawalniyning salametlik ehwalini tekshürüshige ruxset bérishi kérekliki telep qilindi.
rusiyelik öktichi alékséy nawalniyning turushluq türmide tibbiy yardem telipining ret qilinghanliqi sewebidin achliq élan qilghanliqi uqturulghan idi.
moskwa sheherlik sot mehkimisi 2 – féwralda nawalniyning ilgiriki chiriklik délosi netijiside 3.5 yilliq kéchiktürülgen qamaq jazasigha höküm qilghan bolup, öyide ötküzgen nazaret jazasinimu hésabqa qoshush arqiliq uning jazasi 2.5 yilliq qamaq jazasigha özgertilgen idi.
