kishiler üchinchi qétim waksina emlitishi kérek bolushi mumkin
amérika dora shirkiti fayzér (Pfizer) shirketning wuxen wirusi (Kovid-19) bilen emlengen kishilerning eng kéyin bolghanda 12 ay ichide üchinchi qétimliq emlitishke éhtiyajliq bolushi mumkinlikini élan qildi.
türkiye awazi radiyosi xewiri: fayzér shirkitining yuqiri derijilik bashqurghuchisi albért borla (Albert Bourla): «éhtimalliqqa qarighanda, alte ay bilen 12 ay otturisida üchinchi qétimliq emleshke éhtiyaj chüshidu we kishiler her yili yéngidin emlinishi kérek. wirusning yéngi wariyantlirining körülüshi bu qararni qilishta muhim rol oynaydu» dédi.
fayzérning sanliq melumatlirining 2 mingdin artuq emlengen kishige asaslinidighanliqi, emma wirustin qoghdashning alte aydin kéyin dawamliship-dawamlashmighanliqini belgilesh üchün téximu köp sanliq melumatqa éhtiyajliq ikenliki qeyt qilindi.
fayzér we biyonték (BioNTech) féwral éyida wirusning yéngi wariyantlirigha qarshi immunitit küchini téximu yaxshi bilish üchün waksinaning üchinchi qétimliq emlinishini sinaq qilghanliqlirini élan qilghan idi.
jonson we jonson (Johnson & Johnson) shirkitining yuqiri derijilik bir bashqurghuchisi aléks gorsky (Alex Gorsky) xuddiy pesillik zukam waksinalirigha oxshash, kishilerning her yili wuxen wirusi waksinasini emlitishining shert bolush mumkinlikini bildürgen idi.
