jewad zarif: israiliyedin natanz yadro itansisisgha qilinghan hujumning intiqami choqum élinidu
iran tashqi ishlar ministiri jewad zarif isfahan ölkisidiki natanz yadro itansisisgha qilinghan hujumning arqisida israiliyening qoli barliqini ilgiri sürüp, choqum intqami élinidighanliqini tekitlidi.
türkiye awazi radiyosi xewiri: iran resmiy xewer agéntliqi «IRNA» ning xewirige asaslanghanda, jewad zarif iran parlaménti dölet bixeterlik komitétigha amérikani yadro kélishimge qayturup kélish üchün iran we amérika otturisida élip bériliwatqan söhbetler heqqide melumat bergen.
jewad zarif natanz yadro istansisisgha qilinghan hujum üstidimu toxtilip, amérika teripidin irangha yürgüzülgen émbargolarning békar qilinishigha israiliye dairilirining yol qoymaydighanliqini tekitligen.
jewad zarif natanz yadro istansisisgha qilinghan hujumning eslide amérikining émbargolirini békar qilish üchün iran élip bériwatqan söhbetni nishan qilghanliqi tekitlep, «zionistlar émbargolarni bikar qilishtiki muweppeqiyitimizning intiqamini iran xelqidin élishni xalaydu. emma biz buninggha yol qoymaymiz we zionistlarning bu herikitining intiqamini choqum alimiz» dédi.
iran tashqi ishlar ministirliqi bayanatchisi seyid xatibzade her xil menbelerning weqening arqisida israiliyening qoli barliqini jezmleshtürgenlikini eskertip, iranning yadro tirishchanliqining hergiz töwenlimeydighanliqini éytti.
tünügün etigende natanz yadro istansisisning tok teqsimlesh torida weqe chiqqanliqi bildürülgen idi.
tekshürüshtin kéyin kechte, iran atom énérgiye orgini bashliqi eli ekber salihi bu weqening «térorluq herikiti» ikenlikini élan qilghan idi.
