krémil: ukraina chégraliridiki urush we toqunushlar rusiyege tehdit

türkiye awazi radiyosi xewiri: rusiye krémil sariyining bayanatchisi dmitriy péskow ukrainaning donbas rayonidiki weziyet toghrisida bayanat élan qildi.

u ukrainaning donbas rayonidiki kirizisni pütünley herbiy yoldin hel qilish pikrige ige ikenlikini eskertip: «krémildimu, ukrainadimu ichki urushning qaytidin bashlinidighanliqigha munasiwetlik endishe ber. eger bizning chégralirimizda chiki urush yaki keng kölemlik toqunushlar qaytidin bashlansa, bu rusiyening bixeterliki üchün tehdit peyda qilidu. bu ehwalning tereqqiyatining dinamikliri we ukraina terepning meydanining dinamikliri, yoshurun küchke ige toqunushlarning bashlinish xetirini peyda qilidu» dédi.

u ukrainada toqunushlar qaytidin bashlanghan ehwalda, rusiyening zörür tedbirlerni alidighanliqini eskertip: «ukrainada keng kölemlik toqunushlar bashlanghan yaki srébrénitsagha oxshaydighan insaniy kirizislar qaytidin yüz bergen ehwalda, rusiye pirézidénti wladimir putin ilgiri éytqinigha oxshash, héchqandaq dölet bir chette qarap turalmaydu, rusiyeni öz ichige alghan her qandaq dölet undaq tiragédiyelerning yüz bérishining aldini alidu» dédi.

pütkül dunyadiki döletler, pütkül medeniyetlik döletler we yawropa döletliri ukrainaning sherqiy jenubida srébrénitsa qirghinchiliqi qayta yüz bergen ehwalda bu balayi-apetning aldini élish üchün bar küchi bilen tedbirlerni alidu» dédi.

u amérika tashqi ishlar ministirliqining, «rusiye 2014-yilidin buyan ukraina chégrasigha esker yötkewatidu» dégen eyibleshliri üstidimu toxtaldi.

u ukrainaning sherqiy jenubidiki jiddiychilikning küchiyishi sewebidin rusiyening öz bixeterlikini qoghdash üchün bezi tedbirlerni alghanliqini qeyt qildi.

u gérmaniye bash ministiri angéla mérkélning putingha qilghan rusiye eskerlirini chégradin chékindürüsh chaqirqi üstide toxtilip: «nahayiti epsus, hazir ukraina yene muqimsiz rayongha aylinishtek yoshurun xewpke ige. elwette chégralirida muqimsiz, xeterlik we partlashqa teyyar bolup qalghan rayon bolghan her qandaq dölet öz bixeterlikini qoghdash üchün zörür tedbirlerni yolgha qoyidu» dédi.

rusiye tashqi ishlar ministirliqining bayanatchisi mariya zaxarowa ukraina pirézidénti wladimir zélénskiy donbas rayonini ziyaret qilghanda, ukrainaning natogha eza bolushining rayondiki toqunushlarni axirlashturidighanliqi toghrisida bayanat élan qilghanliqini xatirilitip: «ukrainaning natogha eza bolush mumkinchiliki, ukrainagha tinchliq élip kélishning ornigha, del eksiche ukrainaning sherqiy jenubidiki weziyetni téximu yamanlashturup, keynige yanduruwélishqa bolmaydighan netijilerge seweb bolidu» dédi.

zaxarow kiyéw hökümitige mesuliyetchan pozitsiyede bolushini we minsk kélishimini ijra qilishni chaqiriq qilghanliqlirini tekitlep: «donbastiki weziyet téximu qiyinchiliqqa pétishi we téximu keskinlishishi mumkin. buning sewebi ukrainaning sherqiy jenubidiki mesililerni küch bilen hel qilghili bolidighanliqigha ishengen kiyéw hökümitining urushqaq pozitsiyesidur. bu rayongha eskerler we herbiy esliheler orunlashturulmaqta» dédi.