putin, mérkél we makron bilen körüshti
rusiye pirézidénti wladimir putin gérmaniye bash ministiri angéla mérkél we firansiye pirézidénti makron bilen körüshüp, rayonluq we xelqaraliq yéngi mesililerni muzakire qildi.
türkiye awazi radiyosi xewiri: rusiye krémil sariyi pirézidént putin, firansiye pirézidénti makron we gérmaniye bash ministiri angéla mérkélning sinliq körüshkenlikini élan qildi.
krémil sariyining bayanatida bildürülishiche, körüshüshte, putin, mérkél we makron wuxen wirusi (Kovid-19) gha qarshi turush tirishchanliqlirini birleshtürüshni alahide tekitligen.
rehberler rusiyening « V sputnik» waksinasining yawropa ittipaqida testiqlinish mumkinchiliki we yawropa döletlirini bu waksina bilen teminlesh hemde ortaq ishlepchiqirish mesilisini muzakire qilghan.
körüshüshte, ukrainaning sherqidiki toqunushlarning yéngi ehwali muzakire qilindi we toqunushlarni hel qilishning asasi bolghan minsk kélishimining shert ikenliki tekitlendi.
liwiye mesilsimu muzakire qilinghan körüshüshte, tereplerning urush toxtitishqa boysunghanliqidin we dölette waqitliq hökümetning qurulghanliqidin memnunluq hés qilinghanliqi qeyt qilindi.
süriyening nöwettiki weziyitini muzakire qilghan rehberler, iranning yadro pirogrammisigha munasiwetlik keng dairilik ortaq heriket pilanini qoghdashni, ijra qilinishini we bu toghrida bésilidighan qedemlerning téximu köp maslashturulushini qollaydighanliqlirini bildürdi.
rusiye pirézidénti putin bélarusiyening nöwettiki weziyiti üstide toxtalghanda, bir döletning ichki ishlirigha sirttin arilishishni qobul qilghili bolmaydighanliqini eskertti.
körüshüshte, rusiye öktichi rehbiri alékséy nawalniyning dewasigha munasiwetlik mesililermu muzakire qilindi.
مۇناسىۋەتلىك خەۋەرلەر
![yéngi zélandiye ghezzege qoshumche iqtisadiy yardem béridu](http://cdn.trt.net.tr/images/medium/rectangle/4013/5ea5/18f0/653a1165d84d0.jpg?time=1718667232)
yéngi zélandiye ghezzege qoshumche iqtisadiy yardem béridu
yéngi zélandiye ghezzege 5 milyon dollar qoshumche iqtisadiy yardem béridu.