fayzér-biyonték waksinasining balilardiki ünümi yuqiri bolghan
amérika dora shirkiti fayzér (Pfizer) bilen gérmaniye biyonték (BioNTech) shirkiti birlikte tetqiq qilip yasighan wuxen wirusi (Kovid-19) waksinasining 12 yashtin 15 yashqiche bolghan balilarda yuqumlinishning aldini élish ünümining %100 ikenliki élan qilindi.
türkiye awazi radiyosi xewiri: fayzér bilen biyonték 12 yashtin 15 yashqiche bolghan 2 ming 260 bala üstide waksina sinaq qilinghanliqini bildürdi.
bu heqtiki bayanatta, waksinalarning balilarning immunitét küchini zor derijide ashurghanliqini we yashlarning chonglargha qarighanda wirusqa qarshi téximu köp antitéla peyda qilghanliqining bayqalghanliqi eskertildi.
fayzér – biyonték waksinasi bilen emlengen yashlarda yuqumlinishning körülmigenliki, emma bashqa waksinalar bilen emlengenlerde yuqumlinishning körülgenliki qeyt qilindi.
fayzér – biyonték waksinasi bilen emlengen yashlardimu chonglarda körülgen alametlerning körülgenliki, bolupmu ikkinchi qétimliq waksinadin kéyin, qizish, charchash, bedini aghrish we titreshke oxshash alametlerning körülgenliki bildürüldi.
biyonték shirkitining 12 yash we uningdin yuqiri yashtikilerni biyonték waksinasi bilen emleshke ruxset qilinishi üchün, amérika yémek-ichmek we dora idarisi bilen yawropadiki munasiwetlik organlargha iltimas sunushni pilawatqanliqi uqturuldi.
shirketning alte ayliqtin 11 yashqiche bolghan balilargha waksina emlesh sinaqlirining dawamlashmaqta.
