jonson baydin bilen téléfonlashti
engiliye bash weziri boris jonson amérika qoshma ishtatliri pirézidénti jo baydin bilen téléfonda körüshti.
türkiye awazi radiyosi xewiri: engliye bash ministirliq mehkimisi 10-nomurluq ishxanisining bayanatigha qarighanda, jonson bilen baydinning téléfon söhbitide,, kélimat özgirishi, «kowid – 19» yuqumigha qarshi küresh, iran we xitay mesililiri heqqide muzakire élip bérilghan.
ikki rehber, öz döletliridiki «kowid – 19» waksinisining tarqitilish ehwaligha munasiwetlik uchurlarni ortaqlashqan. jonson, dunya miqyasida waksinigha érishishning, «kowid – 19» yuqumidin qutulushning achquchi bolidighanliqini bayan qilghan.
jonson bilen baydin, 22 – 23 – aprél künliri widéo konférans wasitisi arqiliq chaqirilidighan kilimat özgirishi bashliqlar yighini we shotlandiyening glasgow shehiride ötküzülidighan birleshken döletler teshkilatining 26 – nöwetlik kilimat özgirishi konféransigha munasiwetlik pilanlirini ortaqlashqan.
xelqaraliq mesililer toghruluq özara pikir almashturghan ikki rehber, iranning yadro kélishimige qaytishi mesiliside ortaq tonush hasil qilghan.