birmadiki herbiy hakimiyet 628 namayishchini qoyup bergenlikini élan qildi
birmada armiyening hakimiyetni tartiwalghanliqigha naraziliq bildürgenliki üchün qolgha élinghan 628 kishi qoyup bérildi.
türkiye awazi radiyosi xewiri: tutup turiliwatqan 628 namayishchining qoyup bérilgenliki toghrisidiki xewer birma döletlik téléwiziye istansisi teripidin élan qilindi.
yangondiki inséyn türmisi sirtida neq meydanni körgen shahitlar, köpinchisi oqughuchilardin terkip tapqan yüzligen yashlarning qoyup bérilgenlikini bildürdi.
smini ashkarilashni xalimighan bir adwokat qoyup bérilgen namayishchilarning hemmisining 3-martta qolgha élinghanlar ikenlikini éytti.
birma armiyesi 2020-yili 8-noyabirdiki saylamda saxtipezlik barliqining ilgiri sürülgenlikini we dölette siyasiy jiddiylikning kücheygenlikini bahane qilip, 1-féwralda hakimiyetni tartiwalghan idi.
birma armiyesi yene, döletning emeliy rehbiri we tashqi ishlar ministiri ang san su chi qatarliq nurghun mesullarni we hakimiyet béshidiki partiye rehberlirini tutup, bir yilliq jiddiy halet élan qilghan idi.
türkiye herbiy özgirishni eyibligen bolup, gherb döletlirimu herbiy özgirishke her xil nazaziliqlarni bildürügen we tenqidligen idi.
birma xelqi 6-féwral démokratiyege qaytishni telep qilip namayish bashlighan bolup, bixeterlik qisimlirining qoralliq arilishishi sewebidin 275 tin artuq namayishchi jénidin ayrilghan we 2500 ge yéqin namayishchi qolgha élinghan idi.
birmada keng kölemlik namayishlar hazirmu dawamlashmaqta we qamaqtiki yuqiri derijilik hökümet mesullirimu herbiy sotta sotlanmaqta.
