irandiki «charshenbe suri» tebriklesh paaliyetliride 900 kishi yarilandi

türkiye awazi radiyosi xewiri: iran jiddi qutquzush idarisi bashliqi pir hüseyin kuliwend newruz bayrimidin ilgiri tebriklinidighan «charshenbe suri» heqqide melumat berdi.

tebriklesh paaliyetliride hazirgha qeder 8 kishining hayatidin ayrilghanliqini we 900 kishining yarilanghanliqini bildürgen pir hüseyin kuliwend 72 kishining put-qolliridin ayrilghanliqini, 234 kishining köyüp yarilanghanliqini we 300 kishining közi yarilanghanliqini éytti.

iranda ötken yilimu «charshenbe suri» tebriklesh paaliyitide 3 kishi qaza qilip, 1403 kishi yarilanghan idi.

iranda newruz bayrimidin ilgiri yilning axiriqi charshenbe küni kechte ötküzülgen «charshenbe suri» tebriklesh paaliyetliride bolupmu balilar we yashlar ottin sekreydu, étilghaqlarni étip, meshellerni yaqidu.

bu tebriklesh paaliyetliri her yili iranda nurghun kishilerning ölümige yaki yarilinishgha seweb bolup kelmekte.

iranda ishlitilidighan hijri shemsi kaléndari  boyiche yéngi yil ( yeni newruz) 21-martta bashlinidu.