amérika merkiziy armiye qomandani: dölitimizning iran bilen urush qilish niyiti yoq
amérika qoshma ishtatliri merkiziy armiye qomandani général kénnit f. mkkénzi dölitining iran bilen urush qilishni xalimaydighanliqini, emma zörür tépilghanda jawab qayturushqa teyyar ikenlikini bildürdi.
türkiye awazi radiyosi xewiri: mkkénzi, liwanda «‹ LBC› téléwiziye qanili» gha bergen bayanatida, washingitonning yéqinqi ikki yilda téhrangha qarita eng qattiq bésim siyasitini yolgha qoyghanliqini, emma jo baydin hökümitining bu siyasetni közdin kechürüwatqanliqini eskertish bilen bir waqitta, yemendiki iran qollawatqan husiylarning seudi erebistangha qarshi herbiy heriketlirining «tajawuzchiliq» ikenlikini tekitlep mundaq dédi: «iranning wakaletchi urush qiliwatqanlarning iraqtiki küchlirimizge qarshi élip bériwatqan herbiy heriketliri tajawuzchiliq heriketliridur, amérika armiyesi qasim suleymanini qestlep öltürüsh weqesidin öch élish tehditige taqabil turushqa teyyardur.»
u yene, rayonning déngiz tewelikidiki sodining bixeterlikige kapaletlik qilish üchün dawamliq tirishchanliq körsitiwatqanliqlirinimu sözlirige ilawe qildi.
