balqan yashlar mektipining yéngi dewri kirodiyede bashlandi
balqan yashlar mektipining yéngi dewri türkiye sirtdiki türkler we qérindash türkiy milletler bashqarmisining yardimi bilen kirodiyening zagréb we rijéka sheherliride bashlandi.
türkiye awazi radiyosi xewiri: paytext zagrébta ishqa ashurulghan échilish murasimigha, türkiye sirtdiki türkler we qérindash türkiy milletler bashqarmisining bashliqi abdullah erendin sirt yene, türkiyening zagrébta turushluq bash elchisi mustafa babur we kirodiye islam birleshmisining reisi eziz hesenowichmu ishtirak qildi.
türkiye sirtdiki türkler we qérindash türkiy milletler bashqarmisining bashliqi abdullah eren, murasimda qilghan sözide, mundaq dédi: «bizning bu yerdiki asasliq nishanimiz, balqan rayonidiki yashlar arisida diyalog ornitish, ularni dunyagha oxshash nuqtidin qaraydighan qilip yétildürüsh, ularning yalghuz emeslikini namayen qilishtur. shuni alahide tekitlep ötimenki, ejdadlirimizmu bu yerde yashap ötken bolup, ikki dölet otturisidiki qérindashliq munasiwetliri nahayiti zor ehmiyetke ige.»
kirodiye islam birleshmisining reisi eziz hesenowich, balqan yashlar mektipining, yashlargha eqliy qimmet qoshushtek muhim wezipisi barliqini tekitlesh bilen bir waqitta, murasimgha qatnashqan yashlarning, ikki dölet otturisida yéngi köwrüklerni salidighanliqini bayan qildi.
