wirusqa qarshi turushning aldinqi sepliride ayallar muhim rol oynighan
dunya sehiye teshkilatining yawropa diréktori hans klug (Hans Kluge) wuxen wirusi (Kovid-19) gha qarshi turushning aldinqi sepliridin orun alghan sehiye xadimlirining köpinchisining ayallar ikenlikini éytti.
türkiye awazi radiyosi xewiri: dunya sehiye teshkilatining yawropa diréktori hanis klug sinliq shekilde ötküzülgen axbarat élan qilish yighinida, wuxen wirusigha qarshi turushta, ayallarning oynighan roli üstide toxtilip, dunya miqyasida sehiye sahesidiki 10 kishidin yettisining ayal ikenlikini bildürdi.
u yawropa qiteside wezipe ötewatqan séstiralarning %84 i we doxturlarning %53 ning ayal ikenlikini qeyt qildi.
u yéqinlishiwatqan 8-mart xelqara ayallar bayrimini tilgha aldi we yawropadiki héchqandaq dölette jinsiyet barawerlikige kapaletlik qilinalmighanliqini we buning waba mezgilide téximu nacharlashqanliqini eskertti.
u: «uzun waqittin béri alahide ehwallarning ayallarning salametlikige muwazinetsiz tesir qilidighanliqini bilettuq. wuxen wirusi buningdin mustesna emes» dédi.
u besh hepte burun wuxen wirusi bilen yuqumlanghan texminen 1.3 milyon sehiye xadimining %68 ning ayal ikenlikini eskertti.
u wabagha qarshi turushning aldinqi sepliride xizmet qiliwatqanlarni qoghdash üchün her türlük tirishchanliqning körsitilishi kéreklikini we ularni emleshning hökümetning wezipisi ikenlikini tekitlidi.
